Дэлгэрэнгүй
Татаж авах Docx
Дэлгэрэнгүй уншаарай
Асуудал нь гэвэл хүмүүст маяагийн хүч нөлөөлснөөс болж тэд Оройн Дээдийн хүүхдүүд, Ертөнцийн Хамгийн Дээд Төрөлтний ханхүү гүнжийн байр суурь, Оройн Дээд Эзэн Бурхан, Хамгаас Дээд, Агуу бүхнээс Агуу, Бүхнийг Мэдэгч, Бүхнийг Чадагч, Хаа Сайгүй Нэгэн Зэрэг Оршигч, Бүхнийг Мэдэгчийн хүүхдүүдийн байр суурь, энэрэнгүй мөн чанарынхаа эсрэг олон зүйл хийсээр ирсэн. Бид, та нар бол тэр Зүйлийн, тэр Агуу Зүйлийн хүүхдүүд. Та нарт хэлсэнчлэн Бурханд дэндүү олон нэр цол өгсөн байсан учраас Будда Бурханд ямар нэр алдар оноохоо мэдээгүй.Хэрэв Тэрээр Бурханд дахиад нэг нэр цол нэмчихвэл арай л хэтэрч, хүмүүсийг хэт төөрөлдүүлэн, улмаар аль Бурхан нь илүүг тогтоох мөргөлдөөн нэмэгдэнэ. Тийм учраас Будда, “Тийм Бурхан байхгүй” буюу тухай үед энэтхэгчүүдийн төсөөлж байсан шиг тогтсон Бурханы мөн чанар байдаггүй гэсэн үг. Тэрээр Бурханыг өөрийн хүссэн Бурхан шигээр төсөөлдөг байсан энгийн л нэг төрөлтөн байсан байх. Тиймээс Будда “Тийм Бурхан гэж байхгүй ч бүгд Эх үүсвэрээ авч, мөн эргээд очих нэг Зүйл байдаг.” гэж хэлэх ёстой болсон. Тийм Хүчтэй ямар Зүйл байж болох вэ, төсөөл дөө!Тэр Зүйлээс бүхий л бүтээл үүсэж, тэр Зүйл руу бүх бүтээл буцаад очно. Хэрэв энэ нь Оройн Дээд Эзэн Бурхан, Бүхнийг Мэдэгч, Хамгийн Агуугаас Агуу, Оройн Дээд, Хамгаас Хүчирхэг Бурхан биш юм бол өөр юу байх вэ? Тэр Зүйлийг юу ч гэж нэрлэсэн хамаагүй, тэр агуу Зүйл нь төсөөлшгүй Агуу, гайхалтай Хүчирхэг. Өөрийнхөө Хүчээр бүхнийг бүтээсэн Нэгэн юм бол тэр нь Бурхан гэсэн үг. Энэ нь та нарын Эцэг. Та нарыг Бүтээгч. Бүх зүйл Үүнээс бий болж, бүх зүйл буцаад Үүнд хүрдэг. Будда Өөрийгөө Тэр Зүйлээс ирээгүй хэмээн тусгаарлаагүй. Тэрээр “Үүнээс бүх зүйл бий болж, Үүн рүү бүх зүйл буцаад очно.” гэж хэлсэн. Бид Оройн Дээд Эзэн Бурханд яагаад талархалтай байх ёстойг одоо та нар мэдлээ.Оройн Дээд Эзэн Бурхан байхгүй бол Будда гэж байхгүй. Эсвэл Будда хаанаас ирдэг гэж та нар төсөөлөө вэ? Тийм учраас судруудаас юу ч ойлгоогүй зарим харанхуй мунхаг лам нар Буддагийн үгсийг буруугаар ашиглаж, бүр өөр нэг агуу шашин руу, Бурхан руу дайрахад ашигладаг. Тэр бол байж болох хамгийн гүн, харгис хэрцгий тамаас ирсэн. Тэгээгүй бол хэн ийм зүйл хэлж зүрхлэх вэ? Хэрэв ойлгоогүй бол бүү ярь гэж би бүх лам гэлэнмаа та нарт зөвлөж байсан. Зүгээр л чимээгүй байж, үргэлжлүүлэн бясалга. Гэгээрэл, гэтлэлийг гуйн залбир гэж хэлж байсан. Гэтэл үгүй, тэд ярихгүй л бол болдоггүй. Дэмий хоосон ба/эсвэл хор хөнөөлтэй, төөрөгдүүлсэн яриа байсан ч хамаагүй! Өдөр тутмын мэдээгээр манай багийнхны гаргахаар сонгосон нэгэн эшлэлтэй адил. Надад үнэхээр таалагдсан. Тэр нь зарим хүмүүст хэлэх юм байдаг болохоор хэлдэг, зарим хүмүүс зүгээр л яримаар байгаа болохоор, ярихгүй л бол болдоггүй болохоор хэлэх юм байхгүй ч ярьдаг гэсэн байсан. Тэр юу ч мэдэхгүй гэдэг нь амаа хамхих хэрэгтэй гэсэн үг.Гэсэн ч би бүх Христүүдэд тэр ламыг бүү тоо гэж хэлмээр байна. Тэр хамгийн гүн тамаас ирээгүй бол галзуу солиотой гэсэн үг. Тиймээс үүнтэй зууралдах, үүнээс болж Буддизмыг буруутгах шаардлага байхгүй. Хүйтэн дайны үед ч гэсэн аливаа үзэн ядалт, сөрөг энерги улс үндэстний аз хийморь, найрамдлыг алдагдуулж, бусад үймээн самууныг дэгдээн, улам их гай зовлон, гамшиг, дайн гэх мэтийг бий болгодог тул үргэлж эв найртай байх нь дээр ...Та нарт зав, боломж байгаад Буддын шашны судар, мөн Буддын сургаалыг судалж үзвэл та бүхэн гайхан биширч, машид ихээр хүндлэн дээдэлж, Буддын шашин, Христийн шашин хоёр адилхан нэг Эх Үүсвэртэйг мэднэ. Харгис дэглэмийн улмаас Христэд хэтэрхий богино хугацаа байсан тул Тэрээр бидэнд үүнийг батлахын тулд илүү ихийг зааж чадахааргүй байсан!Тэгэхээр байрлан ажилладаг болон алсаас ажилладаг та бүхэндээ хэлэхэд би багийн тань нэг гишүүн шүү. Та бүхэн мэдэж байгаа. Тиймээс би байрлан ажилладаг, бас алсаас ажилладгийн аль аль нь. Би хамтран ажиллагч тань. Би мэдэх бүхнээ та нарт хэлсэн. Яг ч бүгдийг биш л дээ. Та нарын мэдэх шаардлагатай бүхнийг, мөн хэлэхийг минь надад зөвшөөрсөн бүхнийг хэллээ. Учир нь заримдаа зарим зүйлийг урьдчилаад хэлчихээр маяа болиулах гэж юм уу өөрчлөх гэж, эсвэл эргүүлэх гэж, цагийг нь зөрүүлэх гэж, эсвэл өөр үр дүн гаргах гэж оролддог. Учир нь тэд Диваажингийн төлөвлөгөөг, миний төлөвлөгөөг үймүүлэхийн тулд хүмүүсийн өдөр тутамдаа ялгаруулдаг сөрөг энерги бүхий хүний холбоог ашиглах боломжтой.За. Би чадах бүхнээ та нарт хэллээ. Дотооддоо та нар миний хэлж чадахаас ч илүүг мэднэ. Учир нь дотоодод тань та нарт юм хэлэхэд аюулгүй. Хэдийгээр та нар бясалгалынхаа үеэр, эсвэл бүр шөнийн зүүдэндээ миний дотоод ахуй ойлголтыг хардаггүй ч та нарыг амрах үед, бясалгах үед хэрэгтэй бүх мэдээллийг тань би үргэлж өгч байдаг. Би хэзээ ч та нарыг орхиогүй. Мөн би аль ч авшигтныг хэзээ ч орхиогүй. Харин зарим нь үүнийг сайн хүлээн авч чаддаггүй. Зарим нь эргэлздэг хэвээр бөгөөд урьд нь авшиг авахаасаа өмнө итгэдэг байсан зүйлстээ хэт хүлээстэй байдаг. Тиймээс би тэвчээртэй хүлээсээр байгаа.Үйлийн үрийн туйлдалтаас болоод зарим нь зам мөрдөө ч байж чаддаггүй. Би тэднийг хэсэг тээж явдаг. Энэ дэлхийд Их Багшид хийх ажил үнэхээр их. Би зүгээр л сайхан сууж байдаг юм биш. Зөвхөн та нарын нэвтрүүлгийг зохицуулдаггүй. Үзэгдэх болон үл үзэгдэх байдлаар олон зүйл хийж байдаг. Би тоодоггүй л дээ. Хийх нь надад нэр төрийн хэрэг. Хайраасаа болж би хийдэг. Хэн ч намайг хүчилдэггүй. Тэгээд ч би зүгээр байна. Заримдаа бие тэнхээ сайнгүй байдаг ч би давгүй хэвээр. Бид нэг эрхэм ариун зорилгын төлөө ажиллаж байгаа цагт, мөн Бурханы Ивээлээр, Хамгийн Дээд, Хамгийн Агуу Бурханы Нэрээр хамтдаа нэгдмэл байж л чадвал би давгүй. Та нар ч бас давгүй байна байх.Та нар зарим нэг сорилтыг туулсан ч давгүй л байгаа. Юу ч саад болж, айдаст тань итгүүлэхийг бүү зөвшөөр. Айх юм юу ч үгүй. Энэ дэлхийг орхих ёстой бол бид баяртай байж, өөрсдөдөө баяр хүргэх учиртай. Яагаад гэвэл бид илүү сайхан ертөнц рүү явна. Та нар итгэхгүй байж болох ч энэ ертөнцөөс илүү өөр үй олон ертөнц бий. Бусад ертөнцийн талаар мэддэггүй бусдын төлөө л бид ажиллах ёстой юм. Өөрсдийнхөө төлөө биш, бидэнд буцаад харих Гэр байна. За юу, хонгорууд минь? Диваажингууд та нарыг хүлээж байгаа. Цаг тань ирэхээр та нар тэнд надтай хамт байх болно. Та нартаа маш их, үнэхээр их хайртай шүү. Та нарыг маш их маш их хүндлэн, үүрд талархдаг шүү.Бурхан та нарыг үүрд адислаг. Хүний хувьд, Их Багшийн хувьд надад ямар л адис ирнэ, та нарыг бас адисалъя. Амен. Сайн бай, эрүүл бай, жаргалтай бай. Та нар буцаад очих Гэр байгааг санаарай. Мөн энэ төрөлд тань ч, дараах төрлүүдэд тань ч бүхий л цаг үед та нартай хамт байх Үүрдийн Хамгийн Сайн Найз байгааг мартуузай. Хайртай шүү, хайртай, хайртай, хайртай. Хайртай, хайртай, хайртай, хайртай.Photo Caption: Бурханы Хайраар Бүгд Тод Инээмсэглэнэ
