Дахин Нэгдсэн Хамгаас Хүчирхэг Гурвын Дэмжлэг, Ивээлээр хүн төрөлхтөн сэрж, сэхээрч магадгүй, 5 цуврал лекцийн 3-р хэсгийг

Амьтан-хүмүүсийг Бурхан бүтээсэн, Диваажин бүтээсэн. Гэвч зарим нь үйлийн үрээс болоод ийм амьтан-хүмүүсийн биед хувирсан байдаг. Гэхдээ зарим нь хүн төрөлхтөнд янз бүрийн аргаар туслахын тулд сайн дураараа янз бүрийн амьтан-хүний төрөл аван, дэлхий дээр бууж ирдэг. Хүмүүс болон бусад зүйлүүдэд туслахын тулд тэдний нинжин сэтгэл, золиослолд төгсгөл байхгүй! Зөвхөн энэ гарагт ч биш, Орчлон ертөнцийн хаа сайгүй. Энэ бол баттай.

Яг л жимс ногоотой адил. Бурхан хамаг төрөлтнийг тэжээж тэтгэхээр өөр өөрөөр бүтээсэн ч харин сөрөг тал муу зүйл, муу хувилбарыг бүтээсэн. Амьтны зүйл ч мөн адил. Бурханы авралаар ийм зүйл олон биш юм даа! Зарим нь үйлийн үрийн улмаас амьтан-хүмүүс болцгоодог. Гэлээ ч эдгээр амьтан-хүмүүс яагаад амьтан-хүн болсноо бас маш сайн ойлгож байдаг учраас тэд яг л сахиусан тэнгэр мэт байдаг. Тэгэхээр тэд өөрсдөдөө байгаа хүчийг хүмүүсээс өшөө авахад ашигладаггүй. Гэтэл хүмүүс олон тэрбум, олон их наяд, газиллион амьтан-хүнийг гэнэт хороох юм уу тарчлаан зовоож хөнөөвөл нөхцөл байдал өөр. Тэгэхээр зовлон шаналлын энерги, заримдаа мөн үзэн ядалтын энерги уусан сарнилгүй хүн төрөлхтнийг хамарсан байгалийн гамшиг, дайн, цар тахал болох боломжтой.

Энэ нь бас хүмүүс үйлдлийнхээ хариуцлагыг ухамсарлах сургамж болох учиртай. Энэ дэлхийд тийм байдаг. Үйлдэл, хариу үйлдэл байдаг ба үүний үр дагавар гэж бий. Диваажинд бол үгүй. Доогуур Диваажинд ч байдаггүй. Ийм дурдагдсан зүйл маш ховор!!! Тийм учраас клиник үхэлд орсон хүмүүс эргээд сэхэхдээ их зүйл санадаггүй. Дээрээс нь тэдний очсон Диваажингийн энэрэнгүй төрөлтнүүдээс зарим нь Эзэн Есүс Христ, эсвэл Будда нартай адил харагддаг.

Excerpt from ‘Near-Death Experiences – Exploring Heavens and the Afterlife, Part 10 of a Multi-part Series’ HOST 1981 оны 7-р сард 25 настай Гэйл Уолтерс найзуудтайгаа завиар явж байв. Түүнийг гал тогооны өрөөнд аяга таваг угааж байх үед хүчтэй давлагаа хөлөг онгоцыг сэгсэрч, тэрээр гал тогооны угаалтуурыг мөргөжээ. Гурав хоногийн дараа хатагтай Уолтерс дотуур цус алдаж буйгаа мэдээд эмнэлэгт хүргэгдсэн байна. Эмнэлгийн өрөөнд бүх зүйл бүдгэрч эхлэв. Сахиусан тэнгэрүүд хатагтай Уолтерсыг Диваажингийн хаалга руу аваачив.

Excerpt from ‘FACE TO FACE WITH GOD / THE ANGEL & THE AMERICAN PART 4’Gail Walters: Бурхан миний чанх ард зогссон. Есүс Түүний баруун талд, миний баруун мөрөн дээр зогссон. Тэнгэрлэг Эцэгтэйгээ болон Аврагчтайгаа тэнд зогсож байх үед Тэднээс өөрийн тань сүнс, зүрх сэтгэл, бүх зүйлээр дамжин сүнс рүү тань урсах тэрхүү Хайр Тэдний цорын ганц хүүхэд юм шиг л мэдрэгддэг. Тэд бидэнд тийм их хайртай.

Excerpt from ‘Near-Death Experiences – Exploring Heavens and the Afterlife, Part 10 of a Multi-part Series’ HOST: 2020 онд Жон Картер цусны халдварын хордлогын улмаас гэртээ унаж ойчжээ. Түүнийг тав хоногийн дараа яаралтай тусламжийнхан олж, эмнэлэгт хүргэсэн байна. Яаралтай тусламжийн тасагт байхдаа ноён Картер нас барж, хоёр удаа дахин амь орсон юм. Энэ хугацаанд түүний сүнс биеийг нь орхиж, клиник үхлийн гайхалтай тохиолдлыг мэдэрчээ. Тэрээр амьдралынх нь бүх сайхан явдал хана дагуу гялсхийн өнгөрөх нэгэн хоолойд өөрийгөө олж харсан байна. Хоолойн төгсгөлд гялалзсан гэрэл байсан агаад ноён Картер тэнд хүрээд гэнэт өөрийгөө тэнгэр өөд хараад газар хэвтэж байснаар олж харжээ. Тэрээр тэврүүлж байгаагаа мэдэрсэн бөгөөд удалгүй энэ нь Эзэн Есүс Христ гэдгийг ойлгов.

Excerpt from “MAN DIED AND SEES JESUS AND HIS FAMILY IN HEAVEN! JOHN CARTER NEAR DEATH EXPERIENCE” John Carter: Хэн болохыг мэдэхээр баруун тийшээ хартал Есүс Христ байлаа. Би түүний нүднээс маш их хайр энэрэл, нинжин сэтгэл, өгөөмөр сэтгэлийг олж харсан. Энэ миний сэтгэлийг хөдөлгөсөн. Зүрх минь тавь дахин том болсон юм шиг санагдсан шүү.

HOST: Дараа нь Эзэн Есүс ноён Картерт дэлхийн өнөөгийн байдлын талаар ярьж эхэлсэн байна.

John Carter: Тэрээр “Яг одоо энэ дэлхийн байдал надад тийм ч таатай санагдахгүй байна.” гэсэн. Тэрээр “Дэлхий дээр хэтэрхий их үзэн ядалт байдаг. Энэ бол Сатанаас үүдэлтэй” гэж хэлсэн.

HOST: Дараа нь Эзэн Есүс ноён Картерт түүнийг дэлхий рүү буцааж илгээнэ гэж хэлээд дараах захиасыг дамжуулж өгөхийг түүнээс хүсжээ.

John Carter: “Хүмүүст бие биеэ хайрлаж, бие биедээ анхаарал тавьж, бие биедээ эелдэг байгаарай гэж хэлээсэй хэмээн би хүсэж байна. Би тэднийг хайрладаг шиг үргэлж бие биеэ хайрлаж, бие биеэ халамжлан, энэрч хайрла.” Гурван настай бяцхан хүүхэд ээж, аавдаа авчрах тэрхүү хайр шиг хайр. Тийм хайр. Цагаан цайлган хайр. Есүс бид бүгдийг бие биеэ хайрлаасай гэж ингэж их хүсдэг.

Гэлээ ч тэд хамгийн Дээд Есүс, Бурханы Хүүтэй заавал уулздаг гэсэн үг биш, Есүсийн сүнслэг хувилгаан биеийн нэгтэй уулздаг. Учир нь клиник үхэлд орсон бүх хүн Их Эзэн Есүсийн үнэхээр оршин байдаг боломжит хамгийн дээд түвшинд хүрэх хангалттай буянгүй, гавьяагүй байдаг. Гэхдээ энэ нь адилхан, ялгаагүй. Гэсэн ч бас өөр. Эдгээр клиник үхэлд орсон хүмүүст веган байх тухай ч юм уу хэлээгүй байдаг. Зүгээр л “Та буцах ёстой, танд хийх ажил бий. Хүмүүс нэгнээ хайрлах ёстой гэдгийг мэдэх хэрэгтэй.” гээд ерөнхий яриа л өрнүүлсэн байдаг. Үүнийг санах амар ч энэ нь жинхэнэ нарийн зааварчилгаа биш учраас бусад хүмүүст ойлгуулж, дагуулах амаргүй. Гэвч Диваажинд байдаг зүйл бол зөвхөн хайр, аз жаргал, мөн энэ дэлхийн хэм хэмжээсээр аз жаргал л гэж тайлбарлахуйц аз жаргалаас үнэхээр хэтийдсэн зүйл. Тийм учраас тэнд нарийвчлан “Та амьтан-хүмүүсийг бүү хөнөө. Амьтан-хүмүүсийг бүү хороо. Амьтан-хүмүүсийн махыг бүү ид.” гэх мэт зүйл хэлэх шаардлага байдаггүй.

Клиник үхэлд орсон хүмүүс гэртээ ирэхдээ, дэлхийд буцаж ирэхдээ өөрчлөгдсөн байдаг. Бусдыг илүү бодолцдог, илүү энэрэнгүй болж, ойлгож ухаарсан байдаг. Гэвч энэ нь Дэлхий дээр аль нэг Их Багш зааж сургадаг шиг нарийн ширийн байдаггүй. Их Багш Дэлхийд ирэхдээ бүхий л зовлонг харж, мөн зовлонгийн шалтгааныг хардаг тул хүмүүст илүү нарийн заах боломжтойгоос гадна энэ бүх энэрэнгүй амьдралын хэв маягийн тухай дэлгэрэнгүй заах цаг зав илүү их байдаг. Харин Диваажинд бол удаан байхыг зөвшөөрдөггүй. Боломжгүй. Тэнд байх ёстойгоосоо илүү удаан байвал, хэдэн минут илүү байвал үүрд үхэх болно. Биедээ эргээд орох боломжгүй гэсэн үг.

Учир нь бидэнд хүссэн үедээ санамсаргүй байдлаар Диваажинд очихыг зөвшөөрдөггүй. Энергиэ хүчирхэгжүүлэн, одоо байгаа түвшнээ тасралтгүй хадгалахын тулд одоогийн байгаа оюун санааны түвшин, өөрөөр хэлбэл, буян болон төрөл бүрийн нөхцөл байдлаа хадгалж, буцаад авирч хүрсэн оюун санааны түвшиндээ байхын тулд бид оюун санааны бясалгалыг дадуулах ёстой. Анхнаасаа илүү өндөр ухамсрын түвшинд байсан ч үүнээсээ нэгэнт гарч, энэхүү материаллаг дэлхийд, бүдүүлэг оршихуйд ирчихвэл бараг л эхнээс нь эхлэх ёстой болдог. Их Багш хүртэл Диваажин руу буцахын тулд оюун санааны хөтөч Их Багшийг эрж олохоор хаа сайгүй явж, гэгээрэлд хүрэхээсээ өмнө байсан тэр түвшнээсээ эхлэх ёстой болдог. Зөвхөн энэ дэлхийд л тэгдэг гэх гэсэн юм. Сүнслэг ертөнцөд бол үгүй. Тэгээд л буцаж эхэлнэ. Их хугацаа ордог. Зарим нэг онцгой хүчтэй Их Багш нар л хурдан буцаан олж авдаг.

Гэсэн ч агуу гэгээрсэн Их Багштай учирсан чин сэтгэлтэй ямар ч хүн нэгэн төрөлдөө өөрсдийнхөө гэгээрлийг, оюун санааны түвшнээ эргүүлэн олж авах боломжтой. Энэ бол хэдийнээ их хурдан. Олон лам, гэлэнмаа нар болон шашны алдартай эрдэмтэд насан туршдаа зүтгэж байж агуу гэгээрсэн Их Багшаас авшиг хүртсэн шавь нар авшиг авах үеийн хэдхэн секунд, хэдхэн минутад хүртсэн зүйлсийн өчүүхэн хэсгийг л хүртдэг. Хэрэв үнэхээр Бурханыг таньж мэдэхийн төлөө, агуу “Би”-гээ таньж мэдэхийн төлөө байсан бол авшгийн үеэр түүнийгээ шууд л хүртдэг. Энэ бол маргаангүй, ямар ч саадгүй. Энэ бүхэн таных болно – бодол тархи, хандлага, чин сэтгэл тань авшгийн үеэр шууд ямар түвшинд хүрэхийг тань шийддэг.

Хэдий тийм боловч Их Багш үргэлж тусалдаг. Тиймээс авшгийн үеэр та нар гүйцэд ойлголгүй өнгөрчихвөл би Арьяабалын Элч нарт ахин шалгаад авшгийн үйл явцыг жаахан сунган өгч, хугацаа олгон, яг тэнд нь хоёр дахиа уламжил гэж хэлдэг. Тиймээс авшгийн үеэр та нарын хүлээн авсан нэг зааварчилгааг сануулах гэж би ахиад дуу бичлэг өгсөн байгаа. Гэхдээ та нарын зарим нь мартчихсан байх. Тийм учраас би дуу бичлэг болгоод, хариуцсан ажлын багийн хэлтэс рүү илгээсэн. Тэгснээр та нар шөнөдөө хэрхэн бясалгаж, бүхэл шөнийг бясалгалаа болгох боломжтойг эргэн санах болно. Хэрэв мартчихсан бол тэр дуу бичлэгийг гарахаар нь та нар тун удахгүй эргээд санах болно. Тэгэхээр ахиад хэдхэн өдөр хүлээж байгаарай. Байрлан ажиллаж байгаа бол та нар мэдэх болно. Бусад хүмүүсээс түрүүлээд мэднэ.

Бүгдэд тань би үнэхээр маш их талархдаг шүү. Би та нартай хамт, эсвэл урьдынх шигээ ойр байсан ч болоосой. Үе үе ярилцаад л, Шинэ он, Зулсар гэх мэт баяруудаар тулгацгаагаад л. Гэхдээ хамаагүй дээ, та нар байнга тэмдэглэж байгаа. Амьдрал бясалгагч бидний хувьд сайхан. Тиймээс талархалтай, баяртай байгаарай. Бид явах ёстой бол явна. Үлдэж болохоор бол ажлаа хийнэ. Бидэнд хоёр л сонголт бий. Одоо бидний амьдрал болсон. Бид бусдын төлөө, хамаг төрөлтний төлөө амьдардаг. Тиймээс ямар ч төрлийн айдас байхгүй.

Та нарын мэддэгчлэн яг одоо би өөрийгөө илүү нууцлаг байдлаар хамгаалах ёстой. Энэ ажлыг эхэлсэн цагаас л тийм байсан. Үргэлж л ямар нэг зүйл гардаг ч би айдасгүй байдгийг та нар мэднэ. Тийм учраас би үргэлжлүүлэн ажилладаг. Айдас байлаа ч би ажиллах ёстой. Учир нь надад аль чадлаараа энэ дэлхийд туслахаас өөр санаа, өөр зорилго байхгүй.

Photo Caption: Нэгээс Олон Дэлгэрч Байна

Зураг татаж авах