Өөрийгөө аврах ямар амархан байна вэ!! 15 цуврал лекцийн 6-р хэсгийг

Энэ цаг үед, хорон муу бүхэн, муу зүйлс бүхэн гарч ирсээр. Хүчирхэг байсан бүх муу бүлгүүд, бүр хамгийн том ододтой, хамгийн алдартай хүнтэй, хүчирхэг ерөнхийлөгчийг таньдаг, ханхүүг мэддэг бүх муу бүлгүүд бүгд нарны гэрэлд гарсан мэт илчлэгдсэн. Тиймээс хуурамч бүхэн, худал хуурмаг бүхэн, муу түвшний, муу санаа зорилготой бүхэн дэлхийн энэ цаг үед илчлэгдэх болно. Маш аюултай, тун өвөрмөц сүйрлийн цаг үе. Тиймээс та нар хаашаа ч зугтаах боломжгүй. Илчлэгдэх болно. Тэгдэггүй юм аа гэхэд та нар асуудалд орох юм уу аваарт орж, эсвэл урьдчилж мэдэх ч үгүй үхнэ.

Тийм учраас та нарыг сонсож, өөрсдийнхөө жинхэнэ “Би”-дээ өөрчлөгдөх хангалттай ухаантай байна гэж найдаад үнэнийг хэлж байгаа юм. Тэгвэл Будда та нарыг адисална. Магадгүй Бурхан адисалж, илүү гэгээрүүлнэ. Тэгвэл хэн мэдлээ, магадгүй та нар үнэхээр жинхэнэ багш болж чадна. Гэвч бас энэ нь үйлийн үр, өнгөрсөн төрлүүдээс тань

хамаардаг. Будда сүүлчийн удаа Шагжамуни Будда болон мэндэлж буцаад Буддын хутагтаа очиход нь маш урт хугацаа орсон. Тэд хаанаас ч хамаагүй, ямар ч юм жижиг хот, хаа нэгтэйн том хотоос гарч ирээд гэнэт л өөрсдийгөө Будда гэж тунхаглах юм уу дагалдагч нар нь “Будда” хэмээг гэж санаа сэдэл өгдөггүй. Тийм биш. Ямар нэг зүйл байх ёстой. Аль Диваажинд эргэж очиж, дагалдагч нараа дагуулан явахаа мэддэг байх ёстой. Мөн өөр өөр түвшнүүд бий, тэдний үйлийн үрээс хамаардаг, мөн тэднийг там руу дагуулан явж тэнд гацсан тэдний хамаатан садан, найз нөхдийг аврах ёстой болно, Молон Тойн ээжийгээ аврахын тулд тамд очсон шиг. Гэвч Тэр хүртэл аварч чаддаггүй. Тэр бол Буддын шавь нар дотроос номер нэг шидийн хүчтэй нь байсан ба шилдэг арвын нэг байсан.

Гэсэн ч Тэр ээжийгээ аварч чаддаггүй. Ээжийгээ гэх хайр, мөн ачлалыг бодож өгсөн хоолыг хүртэл ээж нь залгиж чаддаггүй. Хоол нь шатам халуун болж, яг л улайссан нүүрс шиг болж түүнийг шатааж байсан. Ийн зовоод ч ээжийнх нь үйлийн үр цэвэрлэгддэггүй. Буддын бүх лам нар Түүний ээжийн төлөө олон өдрийн турш залбирч, Молон Тойноос томоохон өргөл барьц авч байж нүглийг нь цагаатгасан. Үүний дараа ээж нь Тушита Диваажинд очиж чаддаг. Жинхэнэ Буддагийн дэргэд байсан Буддагийн зарим шилдэг лам нар ч чадахгүй байв. Тийм байхад та нар өөрсдийгөө Будда гэж тунхаглах хэн бэ? Ичгүүргүй. Больж үз. Жинхэнэ “Би”-дээ, Үнэнд эргэн хүр. Би давтан хэлье, буцаад эргэ, Буддизмыг явж суралц, мөн нүглийг тань багасгаж, гэгээнтэн болоход тань тусалж чадах Агуу Гэгээрсэн Их Багшийг эрж ол. Амжилт хүсье.

Та нар өөрсдийгөө юу ч гэж тунхаглаж болно, Будда, Диваажингийн ханхүү бууж ирлээ энэ тэр гэж болно. Та нар худал хэлж байгаа учраас энэ бол юу ч биш. Та нар худал хэлж байгаагаа мэднэ. Тийм биш гэдгээ мэднэ. Юунд ч хүрээгүй гэдгээ та нар мэднэ. Ертөнц даяараа үүнийг мэдэж байгаа. Магадгүй доогуур түвшний чөтгөр та нараар хүмүүсийг буруу залуулж, гэмгүй сүсэгтнүүдийг сохлох гэж та нарт доогуур түвшний багахан хар шид заадаг. Тэд үүний тань төлөө та нарт итгэдэг. Будда бол энэ биш.

Та нар чигонг гэх мэтийг заадаг байж болно, би олон чигонг багш нартай учирч байсан. Миний нэг лам шавь хүртэл үнэхээрийн жинхэнэ чигонг их багш гэдгийг би та нарт хэлсэн. Түүний хоолой рүү жад хийгээд түлхэхэд огт зүсдэггүй, тэр бас хагархай шилэн дээр хэвтэж чадах ба хүмүүс гэдсэн дээр нь цохиж, түлхэж, юмаар нүдсэн ч яадаг ч үгүй. Тэгээд түүнийг босоход түүний хэвтэж байгаа хэсгээс ямар ч шил наалддаггүй. Тэр хэзээ ч өөрийгөө Будда гэж зарлаж байгаагүй. Тэр намайг дагадаг. Эхнэр хоёр хүүхдээ дагуулан ирж намайг дагасан. Тэд бүгд лам нар болцгоосон ба одоо бүгд байцгааж байгаа. Хоёр хүүхдийг нь би маш том болтол нь тэтгэсэн, одоо их том хүчтэй болцгоож, дэлхийн төлөө чимээгүйхэн ажиллаж байгаа. Аав нь одоо өндөр түвшний Бодисадва ч хэзээ ч юу ч хэлдэггүй. Маш даруухан, маш нам гүм, хэн нэгний хандивт найдалгүй шударгаар мөнгөө олохын тулд манай компанид тэр ямар ч ажил хамаагүй хийдэг. Намайг зөвшөөрсөн үед миний нэрээр, мөн мэдээж миний Хүчийг ашиглан, Бурхан Хайр Ивээлээр авшиг хүртээсэн хүмүүсээсээ ямар нэг хандив авч, тэднээр шүтүүлэхийг би зөвшөөрдөггүй. Бурханы Ивээлээр би энэ бүхнийг хийж, тэр энэ бүхний хийдэг.

Тэгэхээр бидэнд маш бага авьяас чадвар байлаа ч үсэрч босоод “Өө, би бол Будда” гэж болохгүй. Энэ бол худлаа, айхтар худал зүйл. Би дахиад сануулъя, явж Буддын судруудыг уншиж, та нар шиг ийм хүмүүсийн талаар Будда юу гэснийг хар.

“Ананда асуултаа гурван удаа давтаж хэлэхэд Будда түүнд, ‘Намайг нирваан дүр үзүүлсний дараа, Ном Сургаал бараг л мөхөх үед, Таван Аймшигт Нүгэл дэлхийг ялзруулж, чөтгөрийн зам мөр үлэмж их цэцэглэх болно. Чөтгөрүүд лам нар болж, миний Зам Мөрийг сүйрүүлнэ. Эгэл хүмүүстэй адилаар мөн хувцаслаж, лам нарын тууз зүүнэ, олон өнгөтэй сахилын-туузаа, (кашаяа) тэд гайхуулах болно. Тэд дарс ууж, мах идэж, амьд амьтдыг хороож, амтанд дурлана. Тэд нигүүлсэнгүй сэтгэлгүй байж, нэгнээ үзэн ядаж, нэгэндээ атаархах болно.’” - Ном Бүр Мөсөн Мөхөх Судар

Та нарт ямар ч нигүүлсэл үгүй. Сэтгүүлчид хандан та нар “ЮУ Ч ХАМААГҮЙ ИДДЭГ” гэж хэлж, өөрийгөө маш өндөр түвшинд хүрсэн болохоор өөрт тань хамаагүй гэж бахархалтай илтгэсэн байсан! Тэгээд ч барахгүй, “Будда баас ийм.” гэсэн байсан. Гэвч Будда лам нартаа хандан юмыг яаж мэдэх вэ, хүмүүс тэдэнд мах өгвөл, амьтан- төрөлтнүүдийн махыг идэлгүй, мах цусаар хооллодоггүй ариун нигүүлсэнгүй амьдралыг нь мэдэлгүй махтай хоол өгвөл идэхээсээ өмнө махыг нь гаргаж хаяарай гэж хэлсэн!

Мах идсэнээрээ та нар хэзээ ч хамгийн дээд Будди-д хүрэхгүй, хэзээ ч Будда болж чадахгүй, харин чөтгөр болно гэж хэлсэн. Хамгийн сайн даа л чөтгөрүүдийн хаан болж чадна. Энэ бүхнийг та нар мэдээгүй гэж үү? Та нарт дэлгэрэнгүй ярих зав үнэхээр алга. Өөрсдөө унших хэрэгтэй. Буддын шашинтнууд та нарт тун энгийн зүйлсийг ярьснаараа би таагүй, ямар ч юм өшөө хорслыг татах том эрсдэл гаргаж байна!

“Цааш нь, Анандаа хэрвээ аль нэг эгэл дэлхийн энэ зургаан зам мөр дээрх амьд төрөлтнүүд аллага үйлдэх бодол үгүй бол, үхэж төрөх хүрдэнд эргэлдсээр байх албагүй.” Хэрвээ аллага үйлдэхгүй бол та нар үхэхгүй эсвэл дахин төрөхгүй, өтөл нас, өвчин зовлон, салалт, уй гашуу, гээд төрөл бүрийн зовлон туулахгүй. “Та нарын самадиг дадуулах гол зорилго бол ядарч эцмээр бохирдлоос давах юм. ГЭВЧ АЛЛАГА ҮЙЛДЭХ БОДЛОО ОРХИХГҮЙ БОЛ ТООСНООС ГАРЧ ЧАДАХГҮЙ.” Самсара, энэ дэлхийн тоос; гэдэг нь тоосонд ахин дахин шидэгдэж тоосноос бүтсэн энэхүү биетэйгээ байсаар байх болно. Будда ингэж хэлсэн байна, энэ нь та бие махбодын оршнолоос хэзээ ч гарч чадахгүй гэсэн үг.

Тиймээс, “Хэдийгээр хүн билиг ухаантай бөгөөд Чан самадитай байвч” бясалгаж, үүнээсээ жаахан билиг ухаантай, самадитай болсон ч хэрвээ “АЛЛАГАА ЗОГСООХГҮЙ БОЛ СҮНСНҮҮДИЙН ЗАМ МӨРД ОРОХ НЬ ГАРЦААГҮЙ ЮМ,” гэдэг нь нэг төрлийн чөтгөр, шулам, доод төрлийн сахиус юм, Будда биш, Бодисадва биш, Гэгээнтний хутаг биш. Тийнхүү тэрээр үргэлжлүүлэн, “ХАМГИЙН САЙНДАА,” гэдэг нь танд хамгийн сайндаа л “ТЭР ХҮН АГУУ ЧӨТГӨР БОЛНО.” гэжээ. “Дунджаар тийм хүн нисдэг якса болдог.” Энэ нь чөтгөрийн ахлагч эсвэл зүгээр л чөтгөр. “Хамгийн дордоо тийм хүн газарт хязгаарлагдан раксаса (буг) болно.” Өөр өөр төрлийн чөтгөр байдаг; тэд бүгд л чөтгөрүүд. Одоо та нар Будда, Дэлхийн Хүндэт Нэгэн, Гэгээрсэн Их Багш яагаад тэгж хэлснийг мэдлээ. Аллагаа зогсоохгүй бол, мах идэхээ, цус уухаа зогсоохгүй бол та нар чөтгөр, агуу чөтгөр болно. Гэхдээ өөр юу ч биш. Тийм. Тиймээс анхаараарай. Таван Сахилууд нь худал хэлэхгүй, аллага үйлдэхгүй.

“Эдгээр чөтгөр, сүнснүүд өөрсдийн бүлэг шавь нартай. Тус бүрдээ тэд өөрсдийгөө Давшгүй Зам мөрд хүрсэн гэдэг. Намайг хальсны дараа,” гэдэг нь Буддаг нирваан дүр үзүүлсний дараа, “Цөвүүн цагт, эдгээр сүрэг чөтгөрүүд болон сүнснүүд олширч яг л гал түймэр мэт түгэн тархаж мах идэх нь хүнийг Бодь Зам Мөрд хүргэнэ хэмээн маргах болно.” Эдгээр чөтгөр, сүнснүүд маргах болно. Тэд мах идвэл Бодь Зам Мөрд орох болно, Буддагийн зүг рүү явна, Будда болно гэж хэлэх болно. Бурхан минь ямар утгагүй юм бэ. Үүнд хэн итгэх вэ? Гэвч зарим нь мэдээж итгэдэг.

Тиймээс Будда, “Тийм учраас, Анандаа хэрвээ Чан самадиг дадуулагчид,” гэдэг нь та нарын адил бясалгадаг хүмүүс гэсэн үг, “аллагаа зогсоохгүй бол, хэн ч сонсоно гэж найдалгүй чихийг нь таглаж, чанга дуугаар орилсон нь тэд юм. Маш тодорхой зүйлийг нуухыг хүсэж буй зүйл.” Мах идээд Будда болно гэдэг бол ямар ч логикгүй гэдгийг хэлэх гэж юм. Хэн нэгнийг хөнөөчхөөд яаж мөнх амьдрах вэ? Будда тийм утгаар хэлсэн байна. Энэ бол утгагүй, логикгүй юм. Тиймээс, “Бодисадва нар бхигшү нар,” лам нар гэсэн үг, “цэвэр ариуныг дадуулагчид зам дээрх зүлгэн дээр ч гишгэхгүй; гараараа зулгаан тастах тухай бүр ярилтгүй. АГУУ ЭНЭРЭЛ НИГҮҮЛСЭЛТЭЙ НЭГЭН АМЬД, ХӨДӨЛГӨӨНТЭЙ ТӨРӨЛТНИЙ МАХ ЦУСЫГ БАРЬЖ АВААД ЦАДТАЛАА ИДЭЖ ЯАЖ ЧАДНА ВЭ?”

Гэхдээ та өөрийгөө “Будда” мэтээр харагдуулж, хамгаалалтгүй дэлгэцүүдээр бас гаргадаг! Мөн дагалдагч нараараа Авид Бурханыг “тэрс үзэлтэн” гэж доромжлуулдаг, танай гар хөлөө хөдөлгөдөг систем/ номлолтой тань харьцуулахад тийм гэдэг. Ялж Төгс Нөгчсөн Будда олон арван жилийн турш бүхэл ертөнцийг гэрэлтүүлсэн ч ийм гимнастикийн хөдөлгөөнүүд нь хэзээ ч гэгээрлийн арга гэж дурдаж байгаагүй. Өчүүхэн хувийн ашиг хонжооны төлөө та Буддын шашныг ашиглаж байна. Үүнийгээ ч та нар мэдэж буй!!

YouTube сувгаар эмэгтэй шавийн тань хэлсэн зүйл: “Từ bỏ niệm A Di Đà trở về với chánh pháp.” Утга нь, “Авид Бурханы Нэрийг уншихаа зогсоож Жинхэнэ Сургаалд эргэн ир.” Хөөх, та дагагч нараа өөртэйгөө хамт АВИЧИ завсарлагагүй ТАМД унахад хөтөлж байна!! БУДДИЗМЫН ҮНЭН НОМЫГ заадаг гэчхээд та Буддын шашныг устгах гэж хичээж байгаа тань тун ойлгомжтой!!! Бүх Будда нарын, эрхэм ариун Буддын шашны та дайсан гэдэг нь маш илт байна! Үүнээсээ болж та хэзээ нэгэн цагт уучлагдаж, Авичи тамаас гарч чадах эсэхийг хэн ч мэдэхгүй. Хөөрхий гэнэн дагалдагч нар тань мөн ялгаагүй. Би үнэхээр завгүй байж та нарт Буддын анхан шатны зүйлсийг

заах ёстой болж байна!? Шунал хүнийг сохолдог!!!! Гэхдээ та хамгийн дор нь биш. Энэ ангилалд, хуурамч, луйварчинд хамаарах хүмүүс бүгд яг одоо орхин явж, харьцгаа. Үлдсэн насаараа гэмээ наманчил. Тариаланч мэт байж, нүглээ багасга. Тамын тэр хаалгаар нэгэнт чирэгдэн орвол үүрд түгжигддэг. Хэн ч та нарыг сонсохгүй, хамгийн аймшигт өвдөлт тарчлал, тамлал, хамгийн аймшигт зовлон л байх болно. Та нар уйлахаас өөр яаж ч чадахгүй.

“Би” үзлийг тань гомдоолоо гээд би харамсахгүй. Ямар ч үнэ цэнээр хамаагүй би үнэнийг хэлэх ёстой. Та нарын болон дагалдагч нарын тань эгдүүцлийг хүргэх надад сайнгүйг би мэднэ. Та нар бүгд надаас өшөө авах юм уу надад ямар нэг муу юм хийхээр ч юм уу төлөвлөж мэднэ, гэсэн ч би үнэнийг хэлэх ёстой. Яагаад гэвэл би үнэнийг хэлж чадахгүй юм бол яах болж байна? Энэ дэлхийд би дотооддоо хүмүүст тусалж, дотоод ертөнцөд туслахаас өөр юу хийх вэ? Гадаах ертөнцөд би бас үүргээ гүйцэтгэх ёстой. Энэ нь үргэлж үнэнийг хэлэх юм.

Энэ ламаас гадна надад өөр олон онцгой авьяастай шавь нар бий, тэд лам байгаагүй. Тай Чи Чуан багш байсан шавь нар ч бий, тэд энгийн хүмүүсээс гадна бүх цагдаа нарт заадаг байсан. Манай бүлэгт, манай Нийгэмлэгт ихээхэн эрхэм ариун маш олон төрлийн хүмүүс бий. Бусдыг аврахын төлөө бид даруухнаар ажлаа л хийдэг. Хэрэв энд тэднийг аварч чадахгүй бол сүнсийг нь аварч, Диваажинд хүргэдэг. Бие махбодынхоо цусны урсгалыг сайжруулахын тулд бясалгалынхаа дараа бид жаахан дасгал хийдэг. Гэвч энэ нь өөрийнхөө нэр алдар ашиг хонжооны төлөө эмзэг хүмүүсийг урхидаг хар шид биш. Гэвч ингэлээ гээд хүн Будда болчихгүй, та нар үүнийг мэднэ. Энэ бол үндсэн суурь зүйл.

Хэдэн дасгал хийлээ гээд Будда болж болно гэсэн үг биш, яадаг ч бай, жаахан шидийн хүчтэй байлаа гээд бид юу ч гэсэн үг биш. Маудгаляаяана хэрхэн шидийн хүчнээс болж үхсэнийг санаарай. Тэр харгисаар, аймшигтайгаар, харамсалтайгаар үхсэн. Будда Түүнийг ямар ч шидийн хүчээ бүү ашигла гэж анхааруулсан ч Тэр ашигласан. Тэгээд эцэст нь Тэр олон хар шидтэнүүдтэй тулалдах ёстой болж, тэд түүнийг хүний ялгадасан цөөрөмд живүүлсэн. Та нар энэ бүхнийг суралцаж, жижиг шидийн хүч ашиглахаа болих хэрэгтэй, эсвэл бэлтгэлээс ч юм уу зарим энгийн төвлөрлөөс үүдэлтэй жижиг юм бүхнээ гайхуулж, нэр алдар, ашиг хонжоонд ашиглахаа боль. Энэ бол маш муу зүйл, үйлдэж болох хамгийн хүнд нүгэл.

Надад нүцгэн гараараа жижиг чулууг хагалж чаддаг нэг Бурхан шавь бий, миний бугуй шиг хэмжээтэй. Тийм жижиг чулууг хуваахыг бодвол тооцго, мод зэргийг хугалах амархан. Нүцгэн гараараа тийм жижиг чулуу хуваах амаргүй. Миний нударганаас томгүй чулуу. Миний гарын нударга түүний сонгосон чулуунаас том. Тэр тэгж чаддаг. Маш олон чадварлаг хүмүүс байдаг, мэдээж бүгд манай бүлэгт байдаггүй, дэлхийд дахин бий гэх

гэсэн юм. Тиймээс та нар өөрсдийгөө юман чинээ бодох хэрэггүй. “Би” үзэл тань л та нарт тэгж бодуулдаг юм. Та нар юу ч мэдэхгүй байхад, хэнд ч их юм хийж чадахгүй байхад тань чаддаг хэмээн маяа л та нарт итгүүлдэг. Дагалдагч гэгдэх хүмүүсээрээ та нар өөрсдийгөө өдөөлгөж, “би” үзлийг тань өргөн өөрсдийгөө хохироолгодог. Улмаар та нар бурууг үйлддэг. Бардам болж, буруу замаар явж, тэднийг бүгдийг нь буруу залдаг.

Photo Caption: Сүнсний Хавар Бол Хурмастын Цэцэгстэй, Диваажингийн Рашаантай Тэмдэглүүштэй Онцгой Үйл Явц!

Зураг татаж авах