ӨДӨР ТУТМЫН МЭДЭЭ-ний гол тойм – 2025 оны 5-р сарын 22

Пакистаны ерөнхий сайд Шехбаз Шариф саяхан гарын үсэг зурсан гал зогсоох хэлэлцээрийн дагуу Энэтхэг улстай энхийн хэлэлцээ хийхийг санал болгож байна. (Дэ Индиан Экспресс)

Орос, Украины хооронд сүүлийн гурван жил гаруйн хугацаанд хийсэн анхны шууд хэлэлцээрийн үр дүнд талууд тус бүр 1,000 олзлогдогч солилцохоор ялтан солилцох гэрээ байгуулж, гал зогсоох ирээдүйн төлөвлөгөөг тодорхойлсны дараа шууд яриа хэлэлцээрээ үргэлжлүүлжээ. (Франц 24)

Тайланд, Вьетнам улсууд хоорондын харилцаагаа улс төр, ​батлан хамгаалах, аюулгүй байдал, эдийн засгийн хамтын ажиллагааг хамарсан “Стратегийн цогц түншлэл” болгон өргөжүүллээ. (VTV)

Бразил улс шувууны ханиадны анхны дэгдэлт нь арилжааны шувууны аж ахуйн үйл ажиллагаанаас үүдэлтэйг баталж, энэ нь эрүүл мэнд, эдийн засгийн ноцтой асуудлыг нэмэгдүүлж байна гэж мэдэгдэв6 (ABC)

Хүмүүст гоц халдвартай өвчинд хамаардаг улаанбурхан өвчин дэлхий даяар дахин хурдтай тархаж буй нь нийгмийн эрүүл мэндийн тогтолцоонд аюул учруулж, тархалтыг хянахад хүндрэл учруулж болзошгүй хэмээн зовниж байна. (ЗНьюс)

Ходоод-улаан хоолойн сөргөө өвчин (GERD)-ий 8 шинж тэмдэг: 1) Цээж хорсох 2) Хүчиллэг сөргөө 3) Цээж хөндүүрлэх 4) Дисфаги (залгихад хүндрэлтэй болох) 5) Архаг ханиад, хоолой сөөх, хоолой өвдөх 6) Дотор муухайрах, бөөлжих 7) Амнаас эвгүй үнэртэх 8) Гэдэс цанхайх, хоолны шингэц муудах Хэрэв танд дээрх шинж тэмдгүүдийн аль нэг нь байнга (долоо хоногт хоёроос илүү удаа), эсвэл таны өдөр тутмын үйл ажиллагаа, нойронд нөлөөлж буй шинж тэмдгүүдийг анзаарсан бол оношилгоо, эмчилгээ хийлгэхээр эмчид хандаарай. (ВнЭкспресс)

Буурцаг, самар, сэвэг зарам зэрэг багавтар боловсруулсан ургамлын уураг түлхүү хэрэглэх нь цусны даралт ихсэх эрсдэлийг бууруулдаг. Судалгаанд тогтоосноор өдөрт 20 граммыг хэрэглэх нь эрсдэлийг 16%-иар бууруулдаг. (SFGATE)

30 жилийн судалгаагаар дундаж насандаа боловсруулаагүй үр тариа, жимс жимсгэнэ, буурцагт ургамал түлхүү иддэг эмэгтэйчүүд эрүүл өтөлж, архаг өвчин, танин мэдэхүйн чадвар буурахаас зайлсхийх магадлал 31%-иар илүү байдаг бол цэвэршүүлсэн нүүрс ус үр дүнг нь муутгадаг болохыг тогтоожээ. (Фортун)

Судалгаанаас харахад зарим хүнсний хослол нь элэгний эрүүл мэндийг сайжруулахад тусалдаг, үүнд: тарвас, нимбэг; хушга, бүйлс; жимсгэнэ, шоколад; амтат төмс, кимчи; алим, шанцай гэсэн хослолууд багтаж байна. (Тан Ньен)

[Вьетнамын] Чавинь хот: Аадрын том усан эргүүлэг 100 метр орчим өндөртэй үүсэж, хурдтай эргэлдэн, 100 км/цаг-аас дээш хурдтай шилжин явж, нутгийн иргэдийг айлгаж байна. (Бао Туой Че)

Австралийн эрдэмтэд далайн дулаарал нь далайн экосистемийг сүйтгэж, шүрийг цайруулж, Австрали даяар далайн үй олон төрөл зүйлийг буурахад хүргэж байгааг анхаарууллаа. (ВоВ)

Вьетнам: Хүмүүс эдийн засгаас илүүтэй уур амьсгалын өөрчлөлтөд санаа зовж байна. Үүнд туслахаар улам олон бизнес ногоон болж байна. (Туой Че)

[Вьетнамын] Лонгань мужийн тариаланчид хөрсний чийгийг сайжруулах зорилгоор зэрлэг газрын самрын ургамал тарьжээ. (Лонгань ТВ)

АНУ-ын технологийн Мета компанийг Фэйсбүүк дээр сармагчин-хүнийг хүчирхийлж буй видео бичлэгийг нийтлэхийг зөвшөөрч, амьтан-хүмүүст харгис хандаж буй гомдлыг үл тоомсорлодог хэмээн шүүмжилж байна. (Уорлд Анимал Ньюс)

Австрали: Амьтны эрхийг хамгаалах ПЕТА [Амьтанд ёс суртахуунтай ханддаг хүмүүс] байгууллага цэнгэлдэх хүрээлэнгийн хурц гэрэл, чанга дуу чимээ морь-хүнийг стресст оруулж байгаа учраас регбигийн Брисбэн Бронкос багт амьд морь-хүн бэлгэдэл Бакийг тэтгэвэрт гаргахыг уриалж, “Амьд амьтад спортын арга хэмжээнд тохирохгүй” хэмээн нэмж хэлжээ. (4BC)

[Их Британийн] Хойд Йоркширын сүүний үйлдвэрийн ажилчид амьтан-хүмүүсийг цочирдмоор хүчирхийлж буйг нууцаар авсан бичлэгийг олон нийтэд дэлгэсний дараа “тус газарт ажиллахаа больжээ”. Энэхүү бичлэг нь мөн өнгөрсөн сард амьтан-хүмүүсийн эрхийг хамгаалагчдын томоохон эсэргүүцлийг өдөөсөн юм. (НИ)

Амьтан-хүний эрхийг хамгаалах Direct Action Everywhere (DxE) бүлгийн идэвхтнүүд АНУ даяар Trader Joe-ийн олон арван дэлгүүрт эсэргүүцэл илэрхийлж, жижиглэн худалдаачнаас Калифорнийн Perdue Farms-ийн охин компани болох Petaluma Poultry-тай харилцаагаа таслахыг хүсэж байгаа бөгөөд амьтан-хүмүүст харгис хандаж буй ноцтой мэдэгдэл хийжээ. (Өмнөд Пасаденан)

[Шинэ Зеланд] Окленд хот: Нэгэн эмэгтэй гурван-нохой хүнийг аврахыг оролдсон ч орхигдсон байшинд гацсан байхад нь оруулахыг зөвшөөрөөгүйн улмаас тэднийг өвдөлтгүй унтуулсны дараа амьтан-хүний халамжийн хуульд шинэчлэл хийхийг уриалжээ. (RNZ)

Сингапур: Үндэсний цэцэрлэгт хүрээлэнгийн зөвлөл [NParks] Пунггол хотод суурины муур-хүн нас барсны дараа амьтан-хүнд харгис хэрцгий хандсан байж болзошгүй хэргийг шалгаж байна. (Чаннель Ньюс Ази)

Их Британийн тэргүүлэх дөрвөн супермаркет Крансвикийн эзэмшдэг гахай-хүний аж ахуйн ажилчид хориглогдсон арга ашиглан тоорой устгаж байгаад баригдсаны дараа уг газрын ажиллагааг түдгэлзүүлэв. (АйТВ)

[АНУ] Калифорни муж: ​ Амьтан-хүмүүсийн эрхийг хамгаалах Direct Action Everywhere бүлэг шүүгчээс Perdue Foods-ийн нэхэмжлэлийг хэрэгсэхгүй байхыг хүсэж, энэ нь компанийн баримтжуулсан амьтан-хүмүүсийг хүчирхийлж буй явдлыг эсэргүүцсэн олон нийтийн эсэргүүцлийг зогсоох зорилготой хуулийн заль мэх гэж үзэж байна. (Олон нийтийн мэдээллийн алба)

Энэтхэг: Эрдэмтэд Баруун Бенгал мужийн Чел голын эрэг дээрээс 85 жилийн турш устаж үгүй болсон гэж тооцогдож байсан чел могой толгойт загас-хүнийг дахин илрүүлжээ. (Зя дин ба Са хой)

АНУ-ын Нью-Йорк мужийн зэрлэг амьтан хамгаалах газрын ажилтнууд олон нийтэд хаврын улиралд залуу зэрлэг амьтдаас хол байх, тэдэнд хүрч, хөндлөнгөөс оролцохгүй байхыг зөвлөж байна. Учир нь энэ нь зэрлэг амьтад болон тэдний төрөлх зан үйлийн аль алинд сөргөөр нөлөөлж болзошгүй юм. (Олийн Таймс Херальд)

АНУ-ын ХМТ [Холбооны мөрдөх товчоо] хананы цаадах хүмүүсийг илрүүлэх, барьцааны хүмүүсийг аврахад туслах, гэмт хэргийн мөрдлөг хийх, сэжигтэй газрыг шалгах зорилгоор ханан дундуур "харж" чаддаг гар радар технологийг туршиж байна. (Нгуой куань сат)

АНУ: NICoE [Үндэсний Эр зоригтны шилдэг ур чадварын төв] нь цэргүүдэд тархины гэмтлээ эдгээхэд туслах зорилгоор гөлөгний сургалт санал болгож байна. (DVIDS)

Амьтан-хүмүүстэй хийх эмчилгээ улам түгээмэл болж байгаа бөгөөд амьтан-найзуудын болзолгүй хайраар дамжуулан хүмүүст тайвширч, стрессээ багасгахад тусалж байна. (КЛАС)

Их Британи: Бирмингемийн номын сан 2025 оны 5-р сарын 17-оос 8-р сарын 23-ны хооронд “Веганизм: Өнгөрсөн, одоо, ирээдүй” үнэгүй үзэсгэлэн зохион байгуулж, веганизмын хувьсал, түүх, идэвхжил, орчин үеийн инновацыг танилцуулж байна. (JVS)

[Вьетнамын Куангнам мужийн] Тэйзян дүүргийн баг эртний аварга ойн зэрлэг амьтан- хүмүүсийг аврах зорилгоор хавхнуудыг устгаж байна. Багийн 25 гишүүний 24 нь нутгийн уугуул Ко Тү хүмүүс бөгөөд олонх нь ойн анчдаас "ойн хамгаалагчид" болон өөрчлөгджээ. (Хүөн Сак)

[Их Британийн] Лондон хот: Сайн дурын ажилтнууд үр ашиглан, шархадсан тагтаа-хүмүүсийг аварч, хөлд нь орооцолдсон утсыг нь салгаж байна. Сайн дурын ажилтан Женни Бреннан тагтааны хөлийн сарвууг хамгаалах нь "өчүүхэн зүйл мэт санагдаж болох ч тэр тагтааны хувьд бол асар том өөрчлөлт юм.” гэсэн байна. (Дай ПТ-ТХ Тай Нгуен - ТНТВ)

Канад: Монреалийн SPCA [Амьтанд харгис хэрцгий хандахаас урьдчилан сэргийлэх нийгэмлэг] амьтан-хүмүүсийн хүчирхийллийн талаарх мэдээллийг хүлээн авах зорилгоор 2025 оны намар 24/7 дуудлагын төвийг нэмж байгуулна. (СитиНьюс)

Өдрийн дэвшүүлэх эшлэл: "Сэтгэл нь хүсэл шуналаар дүүрээгүй хүнд айдас гэж үгүй. – Шүтээн Шагжамуни Будда (веган)